Fiskidæla

Fiskidælan frá Klaka flytur allar stærðir og gerðir af bolfiski og ræður jafnvel við flatfisk. Auk notkunar um borð í frystitogurum er mögulegt að nota dæluna í landi t.d. í aðgerð, í loðnu og síldarvinnslu. Þá hefur smækkuð útgáfa af dælunni reynst vel við dælingu á lifur, en agnarsmæð hennar þýðir að hún rúmast undir flestum færiböndum.

Fiskurinn er umlukinn sjó allan tímann sem hann er í flutningi, það dregur úr hnjaski og þvær hann um leið. Þar sem flutningslögnin er án hreyfanlegra hluta og slitfletir engir, verða óhreinindi af völdum flutningsins lítil. Þrif á lögn eru því einföld og viðhald lítið, sem sparar bæði tíma og fjármuni og eykur rekstraröryggi.

Lyftigeta og aftköst fara eftir gerð dælunnar. Lyftigeta dælunnar á myndinni er u.þ.b. 2,3 metrar frá miðju dælu. Afkastageta er 75 rúmmetrar á klst. miðað við 10 snúninga á mínútu.

Lengd: 2000 mm
Breidd: 1400 mm
Hæð: 1500 mm